يا عين ياللي هواه ام العيون السود
مكحل رمشها سود دواويره
يا علم الحال شكله بالعرب مفقود
يا للي تبي الزين لا تبعد عن الديره
قالوا مع البدو مثل الجازيه موجود
كلفت رجلي وعيني مالقت غيره
يا حلو شقر على متن الغضي مرجود
شقر تهلهل على ردفه دعاثيره
غاشيه ملح الهوى ومبيسمه منضود
حص تلالا وفيه من الغوى حيره
يا زين خل الرها لا تاخذن بالزود
وتغيضي وانت ما تمشي على سيره
ارحم رحمك الله الواحد المعبود
مصور الزين في حسنه وتدبيره
يا أهل الهوى من يداوي علة الملهود
يا طول صبري عسى المنتهى خيره
براع الهوى يشتكي حر الظما والكود
الناس تروي وهو ميت على بيره
